朗晴媽咪

2014年9月9日星期二

大個仔, 開始返學喇

朗朗人生LEVEL UP去新既階段, 就係上學去! 呢段時間, 我地做大人都要去適應, 小朋友應該仲叻過我地, 頭4日MAMI陪住. 開心到暈, 日日返學都彈彈跳咁行架。

戲肉黎喇, 正式開學, 家長唔再陪上堂, 朗朗會點呢? 嘿~ DAY 1 佢好叻喎, 冇喊!

DAY 2 開始由婆婆接送喇. (佢呀媽唔可以請咁多日假喇) 婆婆離開班房時佢未喊架, 之但係喊呢家野係會傳染, 當見到其他小朋友好淒涼時, 朗朗都喊喇. >.<

DAY 3 - 4.... 返學繼續喊, 不過開始喊既時間短左, 放學時佢係開心既. 係咁同老師一邊傾計一邊行出黎

DAY 5 ... OMG! 今日佢竟然同婆婆講唔返學, 話要同公公婆婆去街, 由屋企喊到入學校 T_T
不過老師話佢.. 婆婆走左, 佢喊多一陣就收左聲

DAY 6 ..... 放完星期六日, 星期一又由頭黎過喇, 老師都話會由喊過的! 但好攪笑, 出門口返學, 又喊, 猛話婆婆唔錫佢, 公公唔錫朗朗, 要去搵婆婆/媽咪,婆婆走左去係咁重覆呢幾句, 直到入學校, 一,一........ 但老師捉佢入班房, 行到一半已經收聲喇,

DAY 7 又放完假 (中秋) 唔知今日會點呢? 係咪又猛話婆婆唔錫佢, 公公唔錫朗朗呢?

<<待續>>

2014年6月17日星期二

唔舒服, 作反了~

朗朗上個weekend唔舒服, 燒左2日, 之後就開始咳, 食左藥會眼訓。好喇, 呢位小朋友開始少少事就扭計, (我一向都唔主張打同大聲鬧 ) 問佢咩事, 佢只係喊同要人抱, 直到扭到累, 就暗左佢訓, 以我解讀佢呢個行為係因為食左藥唔舒服wingwing下, 但又唔知點表達, ok~ 同婆婆傾完大家都覺得唔好責怪佢。

點知呢位小朋友食過返尋味, 呢幾日出現多左唔合理既扭計同攪事既行為, 我就諗, 唔舒服都唔可以咩都就晒佢架喎, 要做返d野先得~~

好喇, 尋晚收工返到去, 衰仔唔叫我掛住玩, 之後我攬佢同佢say hello, 再問佢同我hello未, 佢推開我. 話"我唔得閒, 玩緊呀" 一,一..... 我stop唔比佢玩, 解釋佢知要點做, 打招呼係禮貌行為, 唔得閒都要有禮貌, 可以say hello之後再玩, 佢話"知道!"

跟住成晚就好似借左龍耳陳咁, 叫佢做咩都唔聽.。晚飯時間, 食飯又係唔乖, 又要lee樣又要個樣. 比杯水佢飲.. 又專登倒係台面, 平時間唔中都有咁,我就會warn佢, 話再係咁.我罰.

哼. 尋晚見佢表現not gd.. 呢次唔warn喇. 一黎就罰佢.

條友即刻喊到咩咁, 又搵婆婆又..望公公想有人救佢! 我好安慰既係. 公公婆婆,,一粒聲都冇出過.. 各自做自己野, 最後佢冇再喊, 我就講返佢點解比我罰.. 等等..

哼.. 之後成晚都好乖.. 冇再扭過計!

呢一次我發現一樣野, 小朋友講道理係好, 但如果太多, 就變成"哦" 呀媽就變左陳記燒鵝, 點都要take action, 因為佢未試過錯左之後被罰既結果係點, 就不斷試你底線!

心情即刻舒暢晒~~~

2014年6月2日星期一

美滿假期

連放三日假，大晴天，很美滿!

假期第一天，爸爸提議帶朗哥去游水，哈! 大個仔喜歡自己做選擇，爸爸想佢去深水一點既池，但朗哥堅持唔去，要留係朗朗池到玩 (將bb池自己改名) 而我就陪妹妹坐係旁邊，雖然冇落水，睇住哥哥玩水都係一件樂事。

假期第二天，一家大細都去左掃墓 (好環保的, 只有鮮花水果清香)，朗朗第２次同我地一齊去，上一次係歲半前，佢咩都唔知道，只係知道有野食 XD , 呢次已經27個月大....好大既分別!

"咩黎架?"
"去邊到架?"
"邊個黎架?" 　

作為MAMI，要用最簡單既說話去解答問題，唔知朗朗明唔明我講咩既呢？　　

見到婆婆點完香，好奇既朗伸手去摸，叫都叫唔住，不過事後佢知道會痛會灼到手，就冇再去掂，仲識同我地講　"唔好掂既, 好熱熱既"

我仲累過佢，返到去想小休，點知呢位小朋友仲可以同LULU去散步，太強了吧 (暈~)