假期第一天，爸爸提議帶朗哥去游水，哈! 大個仔喜歡自己做選擇，爸爸想佢去深水一點既池，但朗哥堅持唔去，要留係朗朗池到玩 (將bb池自己改名) 而我就陪妹妹坐係旁邊， 雖然冇落水， 睇住哥哥玩水都係一件樂事。
假期第二天，一家大細都去左掃墓 (好環保的, 只有鮮花水果清香)，朗朗第２次同我地一齊去，上一次係歲半前，佢咩都唔知道，只係知道有野食 XD , 呢次已經27個月大....好大既分別!
"咩黎架?"
"去邊到架?"
"邊個黎架?"
作為MAMI，要用最簡單既說話去解答問題，唔知朗朗明唔明我講咩既呢？
見到婆婆點完香，好奇既朗伸手去摸，叫都叫唔住，不過事後佢知道會痛會灼到手，就冇再去掂，仲識同我地講 "唔好掂既, 好熱熱既"
我仲累過佢，返到去想小休，點知呢位小朋友仲可以同LULU去散步，太強了吧 (暈~)
假期第三天，每朝訓醒，都會有哥哥妹妹親親時間。 朗哥趁住呢個時間就會整蠱妹妹，但我睇得出佢係好鍚好喜愛晴晴 ^_^
午飯過後，齊齊出發去玩水喇～～～～～～ＹＥＡＨ！！！！
超熱超曬，都係個句，見到朗哥玩得好開心我就開心，出左幾多粒雀斑都唔理了。
相約２位小妹妹一齊享受玩沙樂趣，見到３個小朋友坐埋一齊，好可愛呀！晴晴大個就可以加入，到時再熱鬧一點。
呢個假期係咪好美滿呢～～
後記：我同爸爸累到甩轆
累得開心...好難得見你開始寫番BLOG 喎.
回覆刪除手痕係公司打~~~
刪除